A question, unanswered !

"Ant"

Hoti hai jise sachchi humdardi,

Woh kambhakt kyu chhod jata hai?

Jo raahi hota hai rahai ka,

Wo kyu usi ka raasta mod jata hai?

Hota hai jo waaqif iss dard-e-zindagi se,

Woh kyu usse chehra chupa jata hai?

Jiski baahon mein nami ka ehsaas hota hai,

Wo khud hi qabr ke gale kyu lag jata hai?

Hota hai jo sabhi ke dil ka hissa,

Wo kyu ek hi pal mein, tukda sa alag ho jata hai?

Jo aane par, laakh muskurahat ka kaaran hota hai,

Wo kyu jaate jaate, sannate ko anjaam de jata hai?

'Tum'

'Tum'

Tum hi ho musaafir, tum hi kaarwan,

Tum hi ho wah parinda, jiska ye aasmaan.

Tum hi ho karta, tum hi hairani,

Tum hi ho kavita, ek ankahee kahani,

Tum hi ho nigaahe, tum hi nazaara,

Tum hi ho aadat, tum hi guzaara.

Tum hi ho aandhi, tum hi pat-jhad,

Tum hi ho salaah, tum hi hamdard,

Tum hi ho roshni, tum hi andhera,

Tum hi ho raat, tum hi savera.

Tum hi ho khushi, tum hi ghum,

Tum hi ho 'main', tum hi 'hum',

Tum hi ho patthar, tum hi soot,

Tum hi ho arjan, tum hi loot.

Tum hi ho pankh, tum hi udaan,

Tum hi ho khwaaish, tum hi jahaan,

Tum hi ho aaj, tum hi kal,

Tum hi ho haar, tum hi safal.

Tum hi ho baah, tum hi sahara,

Tum hi ho phool, tum hi bahara.

Tum hi ho kadam, Tum hi manzil,

Tum hi ho sagar, tum hi saahil,

Tum hi ho bandhak, tum hi azaad,

Tum hi ho milaap, tum hi jihaad.

Tum hi ho asha, tum hi dar,

Tum hi ho raahi, tum hi safar.

"You are everything when you start believing."