'Aag ka dariya - Adhoora sapna'

Khaamosh aasmaan ke udte lafz,

Wo chilchilahat parindo ki,

Wo khushnuma fizaein,

Bebas patton ki thakaan,

Pighla gaye sab dil ko,

Na jaane kya thi wo chupi taakat,

Jo le chali saath apne, chhod saahil ko.

Thi kya uss nazaare ki chahat mujhse,

Tha bekhabar iss baat se,

Bas chal diya pravaah ke saath,

Daale taano ke haatho mein haath.

Aankh mein ek chamak thi,

Kandhe pe manzil ka bojh tha,

Main maano unn kirno ki aad mein base,

Ek naye jahan ka khoj tha.

Saamne tha wo aag ka dariya,

Kheech raha tha chir wah mujhe,

Lehron mein main dorr-sa bandh gaya,

Gaanth milni thi jaise rahai ki mujhe.

Le chali ja rahi thi dharaein,

Ashajanak thi dosti unki,

Bikhri thi pehle jo saanse,

Sanlagn ho rahi thi jaan kar haal mere khoye man ki.

Baahon mein ab nayi zindagi mili,

Chhod aaya tha main sab apna,

Tha nigaaho mein mahaz ab,

Loh-se pighalne ka sapna.

Maanda ho raha tha srijan se apne,

Raag bhi dil ki chhutne se lagi,

Palat kar lamho ki taraf dekha,

Shayad wah galti rahi meri,

Par tan mein na jaane kis ehsaas ki dhara behne lagi.

Wah dariya aag ka,

Meri raah dekhta reh gaya,

Aaj bhi anjaan hai zameen-aasmaan,

Mere ant se,

Main kis niwaas ki taraf beh gaya?

Na milan hua manzil se,

Na basera hua phir saahil pe,

Par le aaya tha main laakh aabhaas,

Hazaar khushiyon ke bore,

Samundar le aaya umeed ke,

Amar vaasno ki hilore.

Lesson of life

Well, imagine a situation..you're going to market for buying lots and lots of things! And the market which you have chosen is the best in the city though on the way there are markets providing the same stuff. Suppose you have to settle for a new house! You've a lot of money! Lot of! You reach the market, buy all the things and you're still left with a good amount. Same as what you've spent. You're on your way back to home. It is really very far and you have to walk. The bag which you are carrying has now become overloaded and you're finding difficult to handle it. But you've to manage! You keep on walking uncomfortably but yes, you are alone and there's no one to help you out. Suddenly, a thing gets out of your bag and falls down. You are helpless! You know that if you bent down, other things may also fall the same way. You wish to pick it up but remember that you still have a good amount and can buy the same thing from the coming shop. Reaching the shop, you buy the same thing and transfer some of the things to the new bag. It makes you feel a little comfort though it hasn't affected much. After some more distance it happens again and another thing falls down. Yes, you get irritated but as you still have some money left, you visit a shop some meters away only. You again do the same, buy and then transfer the overloaded material. These things happen, many times and finally you get comfortable with your stuff. The journey gets over and you reach your home. So, this is what our life is! The market you have chosen, is certainly the best life you been given and all the things you are carrying are the things which make you feel happy, which make you feel satisfied! Yes, you'll have to struggle a lot and many of those happiness will fall down but you know there are many on the way! If you try to pick the fallen one you definitely lose others too! The money is the smile that you pass on to others. Soon, the things become comfortable and your life happening to you! You start loving the way, you enjoy it and the destiny which you'll reach is your death! On the way, you find many great moments, which become your memories - CAPTURE THEM! Live the most of it! All you've come here is to LIVE! Nothing else!

A priceless smile worths everything.

"Seekh, Ab Tak"

Sirf kurbaan hone ki chaah rakhne se kuch nahi hota,

Mulq se pyaar karna padta hai,

Kaafilon mein naare lagane se kuch nahi hota,

Mehfil mein geeton ka izhaar karna padta hai,

Sirf iss mitti ko chune se swarg nahi milta hai,

Rooh mein iski chaya ko basana padta hai,

Apnon ko baahon mein jakadne se khudgarz ban jaate hai,

Sahil tak pahochne ke liye gairo se bhi kandha milana padta hai,

Gardish-e-shaam-o-sahar ke saath chalne se manzil nahi milti,

Mutthi mein iss jag ko kaabu karna padta hai,

Mitt jaati hai kaynath saari ek hi muqammal se,

Gar jeena hai to khushnuma apna haal rakhna padta hai.

Dard milenge laakh, haar bhi mandarayegi,

Par chehre par muskurahat rakh, khud se aitbaar karna padta hai.

"A smile and a hope are steps towards the gate of success."

If truth is left behind, how will the nation move forward ?

"Kya ye wahi desh hai"

Panno par sukhi syaahi ke nishaan,

Bohot nam haalatein bayaan kar rahe the,

Bol rahe the wo pure watan se,

Par shayad sab ansuna kar rahe the.

Ek ke baad ek har vaakya kuch darsha raha tha,

Beparwah mann ko laakh koshish kar samjha raha tha,

Soch thi, ye do chhand bas likhe gaye hai, likhne ke liye

Par asal mein har shabd koi daastan suna raha tha.

Dhokadhadi, brashtachaar, lachaari ke kisse

Neta, ghotale, berozgaari ke charche,

Bhook, laparwahi kahin pehle ye sab hriday dehla dete the,

Dil chhod sabhi, dard ko behla dete the.

Maa ke aansuon ki tasveer sirf ek chhote se dukh ka manzar dikhai pad rahi thi,

Khonf maano apni adhiktar seema par akad rahi thi,

Raaste haryaali nahi, lahu ke patjhad se bhare hue the,

Aasman suraj ki kirno se nahi, andher ki chaahton se mare hue the.

Yaad aa rahe the wo din, jab unnati ke samachar padhne ko milte the,

Tan-man harshollas se kali ki tarah khilte the.

Sannata mere khayalon par chhane laga tha iss baar,

Vismit tha main, chhut gaya haathon se wo akhbaar,

Har kadam par sochne laga, kya ye wahi desh hai, kya ye wahi dharti hai,

Kya ye wahi jag ki sone ki chidiya hai ?

Ek aawaaz andar se aayi,

"Yah chidiya bandish ki baahon mein fir lupt hone ko hai,

Pankh hai jaane ko, qabr ki aanchal mein bas ab khone ko hai."

Hindi - 'OUR' Mother Tongue

Today, on this great day I feel proud for what I am and the reason 'coz of which I stand. Hindi is not just a language, it's a love that is a direct communication from the heart and to the heart. A sibling of Sanskrit that now has a billion sons and daughters who have pride on their faces. JAI HIND! JAI BHARAT!

Barso beete, kai zamaane chale gaye,

Laakh hui baatein,

Laakh bane geet,

Par haath mein rakhi syaahi par,

Sirf Hindi ke lafz raj karte chale gaye.

Manzil hai unnati ki,

Isse jeet ki asha samajha hai,

Milenge sur duniya se,

Iss kaabil bhasha isse samjha hai.

Yeh mitti ki khushboo hai,

Dil ki hai dhadkan,

Sparsh hai shraddha ka,

Hai phool bikhra aangan.

Jiss dharti par hai iski chhaya,

Wah dharti amar jahaan hai,

Hai garv seene par,

 Aakhir hum Hind ki santaan hai.

Teacher's Day Special :)

"You don't have to think too hard when you talk to teachers 'coz they know you."

"GURU"

Wah vyakti jisne har kadam par sambhalna sikhaya hai,

Gyaan ka deepak sadev mann mein jalaya hai,

Har koshish ko ek daastan ka kirdaar bataya hai,

Tum ho ek aasman ke panchi, udo apne armaano ke saath,

Iss baat ka basera dil mein banaya hai.

Ek hi mez par baithe, duniya ka kona kona dikhaya hai,

Pyaar ka ann swaym ke haathon se khilaya hai,

Geet khushi ka - Muskurahat ka,

Har dukhi kshan mein inn kaano ko sunaya hai.

Mehnat - parishram mitra hai safalta ke,

Unse humein bhi kai baar milaya hai,

Haar kar baith jaana nahin,

Uthkar fir se ladna sikhaya hai.

Wah vyakti, jo apna sampoorn waqt,

Kisi ke kal ko de deta hai,

Wah haqiqat mein Guru hi nahin,

Ishwar ka roop le leta hai.

We need a change!!

"AAJ PHIR MASHAALON KO JALAANA HAI"

Aaj phir mashaalon ko jalaana hai,

Raat ko bhi suraj ka ujaala dikhana hai,

Itihaas bin taraasha reh gaya tha,

Aaj use dobara banana hai.

Rakt baha toh tha par,

Dhara tak pahoch na paaya,

Likhe hue the khonf ke naam har kahin,

Par koi unhe mita na paaya.

Din raat the laapta,

Hum toh so rahe the be-khabar,

Ruke reh gaye the hum yun hi,

Na jaane kiska tha humein sabar?

Jaagna hai kadmo se,

Sabar ko hi sulaana hai,

Aaj phir mashaalon ko jalaana hai.

Panno ko syaahi ka,

Asli rang batana hai.

Thakenge nahi iss baar hum,

Na jhukenge kisi ke bhi kad ke neeche,

Le aayenge kaafilon ko waapas,

Jo reh gaye the kahin peeche.

Sparsh iss zameen ka,

Maathe par lagaana hai,

Aaj phir mashaalon ko jalaana hai,

Raat ko bhi suraj ka ujaala dikhana hai,

Itihaas bin taraasha reh gaya tha,

Aaj use dobara banana hai.

Improving minds to secure all HOPES

KAB TAK

Kab tak hum rokte rahenge apne iraadon ko bahar jaane se..
Kab tak darr mein jiyenge zindagi apni aisi mautein aane se..
Kab tak hum chupe rahenge iss aatank ke peeche?
Kab tak hum jhuke rahenge iss khaunf ke neeche?

Lipte rahenge iss aag mein...par kab tak?
Ghiste hue sahenge dard ko...par kab tak?
Kab tak har maa ki aawaaz dabi rahegi sangharsh mein?
Kab tak har behen ki aas band rahegi iss farsh mein?

Banunga waha taakat..
ki koi puch na paaye ye himmat rahegi kab tak..
Hogi woh jang iss kalyug mein..
Jo ho na saki ab tak!

“Lock up your libraries if you like; but there is no gate, no lock, no bolt that you can set upon the freedom of a women's mind.” 

A Tribute To Uttarakhand's Lost Lives

                         "BEH GAYI NADI PAR AANKHON MEIN AANSUN CHHOD GAYI"

Nigaahe dhundhli ho gayi,

Jhalak aafat ki dikhi,

Milan ban gayi jhalak,

Sanhaar se roop ki dikhi,

Dekhte - dekhte khushi ki kalai,

Tabaahi marod gayi,

Beh gayi nadi par,

Aankhon mein aansu chhod gayi.

Chha gaya tha maut ka saaya,

Kon ujaala la paata,

Ab aur nahi koi dekh paaya,

Jaise man mein bas gaya ho sannata.

Ucchal rahi thi boondein aisi,

Jaise jag ko aur nihaara ho,

Beh rahi thi laashein aisi,

Jaise Ganga maa ne pukaara ho.

Raahat ko koi haath nahi,

Toh kisi ko kismat ka bhi saath nahi,

Yeh barbaadi,

Dard aur khonf ki baahon ko jod gayi,

Beh gayi nadi par,

Aankhon mein aansu chhod gayi.

Seema na thi vinaash ki,

Netao ka ab bhi chaalu tha dandha,

Dum na tha pairon mein,

Sirf sahara tha sena ka kandha,

Vinaash ki laathi maano,

Iraado ki deewar tod gayi,

Beh gayi nadi par,

Aankhon mein aansu chhod gayi.